अन्तरङ्ग सम्वाददाता
बेसीशहर– लमजुङमा कोरोना भाइरस (कोभिड– १९)का संक्रमित संख्यामा उचारचढाव हुने क्रम अझै जारी नै छ । हिजो १९ जनामा मात्र संक्रमण पुष्टि भएकोमा आज त्यो संख्या बढेर साउन २४ गते ५८ जनामा संक्रमण पुष्टि भएको हो ।
आज दूधपोखरी गाउँपालिकाको पनि एउटै वडा नं– ५ मा एकै दिन ४९ जना संक्रमित थपिएका छन् भने संक्रमित बालबालिकाको कुल संख्या ११ रहेको छ । यी मध्ये ९ जना दूधपोखरीका हुन् । दूधपोखरीको वडानं– ५ कोल्की गाउँ हो ।
आजका संक्रमितहरू जिल्लाका तीन पालिकाका मात्र हुन् । आज बेसीशहर नगरपालिका, सुन्दरबजार नगरपालिका, दोर्दी गाउँपालिका, मर्स्याङदी गाउँपालिका र क्ब्होलासोथर गाउँपालिकामा संक्रमित फेला परेका छैनन् ।
आज सबैभन्दा कम उमेरमा ८ वर्षीया बालिकादेखि सबैभन्दा बढी उमेरमा ८२ वर्षका बयोबृद्ध पुरुष संक्रमित भएका हुन् । उनीहरू दुबै दूधपोखरी गाउँपालिका– ५ का हुन् ।
यो संगै जिल्लामा कुल संक्रमितको संख्या दुई हजार ४९९ पुगेको छ ।
आज सबैभन्दा धेरै संख्या दूधपोखरी गाउँपालिकामा ४९ जना, राइनास नगरपालिकामा– ७ जना, र मध्यनेपाल नगरपालिका– ६ का ३३ र ४९ वर्षीया महिलामा संक्रमण पुष्टि भएको हो ।
आजका सक्रमितमा दूधपोखरी गाउँपालिका– ५ का १०, ११, १४, १५ र १६ वर्षका बालक, १७, १८, २१, २२ र २३ वर्षका युवक, २९, ३५, ३९, ४९, ५३, ५६, वर्षका दुई जना पुरुष, ५१, ६० वर्षका दुई जना, ७० वर्षका दुईजना, ७२, ७८ र ८२ वर्षका पुरुष तथा ८, ११, १३, १५ र १६ वर्षीया बालिका, २६, ३१, ३२, ३८, ४१, ४५, ४६, ४७, ५४, ६५, ७८ वर्षका दुई जना, ८२ वर्षीेया महिलामा संक्रमण पुष्टि भएको छ ।
यसैगरी, राइनास नगरपालिका– ४ का २१ वर्षका पुरुष, वडानं– ५ का १४ वर्षका बालक र ३७ वर्षका पुरुष, ३० वर्षीया महिला, वडानं– ७ का ५२ वर्षका पुरुष र ४८ वर्षीया महिला तथा वडानं– ८ की १३ वर्षीया बालिकामा संक्रमण पुष्टि भएको जिल्ला प्रशासन कार्यालयका प्रशासकीय अधिकृत जगदिश मिश्रले दस्तखत गरी जारी गर्नु भएको विज्ञप्तिमा उल्लेख छ । सो विज्ञप्ति अनुसार आज थप भएकासँगै जिल्लामा संक्रमित हुने कुल संख्या २ हजार ४९९ पुगेको छ । भने ४९ जनाले निको भएर कोरोना जीत्ने कुल संख्या २ हजार २३२ पुगेको छ । आजका दिनमा सक्रिय संक्रमितको कुल संख्या २३१ रहेको जिल्ला प्रशासन कार्यालयले जनाएको छ ।
स्मरणीय छ, अस्तिको दिनमा निधन भएको सुन्दरबजार नगरपालिका– २ का एक अधवैंसे व्यक्तिको निधनको गणना गरिएको छैन । जिल्लामा कोरोनाबाट निधन हुने कुल संख्या ३७ पुगेको छ ।
No comments:
Post a Comment