अन्तरङ्ग सम्वाददाता
बेसीशहर– लमजुङमा कोरोना भाइरस(कोभिड– १९) बाट संक्रमित संख्यामा उतारचढाब भइरहेको छ । आज साउन १५ गतेका दिन संक्रमित संख्या फेरि उचालिएको छ । आज ११ जना बालबालिका सहित ३९ जना नयाँ व्यक्तिमा संक्रमण पुष्टि भएको हो । आज ९ जनाले कोरोना जित्नु भएको छ भने कोरोनाको कारण थप एक जनाको निधन भएको छ ।
आज धेरै दिनपछि ठूलो संख्यामा बालबालिकामा संक्रमण पुष्टि हुन आएको हो ।
आज जम्मा चार पालिकामा संक्रमित फेला परेका छन् भने गोर्खा जिल्लामा घर भई लमजुङ बस्ने २ जनामा पनि संक्रमण पुष्टि भएको छ । ती दुईमध्ये एक १४ वर्षका बालक हुन् भने अर्का ६३ वर्षका पुरुषमा संक्रमण पुष्टि भएको हो ।
आज बेसीशहर नगरपालिकासहित दूधपोखरी गाउँपालिका, दोर्दी गाउँपालिका र क्ब्होलासोंथर गाउँपालिकामा संक्रमित फेला परेका छैनन् ।
आज सबैभन्दा बढी मर्स्याङदी गाउँपालिकामा ६ जना बालबालिका सहित १९ जना, मध्यनेपाल नगरपालिकामा ३ जना बालबालिका सहित १० जनामा संक्रमण पुष्टि हुन आएको छ भने सुन्दरबजार नगरपालिकामा ५ जनामा संक्रमण भएको छ । तीमध्ये एक ११ वर्षीया बालिका छन् । यसैगरी, राइनास नगरपालिकामा २ जना १९ वर्षका युवक र ४२ वर्षीया महिलामा संक्रमण पुष्टि भएको छ ।
` आज मर्स्याङदी गाउँपालिकामा संक्रमित भएको १९ जना सबै वडानं– ४ का हुन् । तीमध्ये ६ जना बालबालिका छन् । जसमा ४, ९, १० र १४ वर्षका बालक तथा १३ र १४ वर्षीया बालिका छन् । अन्य संक्रमितमा २२ वर्षका युवक, ४८ र ७० वर्षका पुरुष छन् भने महिलाहरूमा २३, २८ र ३३ वर्षीया दुई जना, ४०, ४४ वर्षीया दुई जना र ६७ वर्षीया महिलामा संक्रमण पुष्टि भएको हो ।
मध्य नेपाल नगरपालिका– ३ का ६ वर्षका बालक, १२ वर्षीया बालिका, ३२ र ५३ वर्षीया महिला, वडानं– ४ का १४ वर्षका बालक, ३२ र ५५ वर्षका पुरुष तथा २८ र ३५ वर्षीया महिला, वडानं– ७ का २८ वर्षका पुरुषमा संक्रमण पुष्टि भएको छ ।
आज सुन्दरबजार नगरपालिका– ८ का ६४ वर्षका पुरुष, ५७ वर्षीया महिलामा संक्रमण पुष्टि भएको छ । त्यस्तै, सोही नगरपालिका– ९ का ५२ वर्षका पुरुष, ११ वर्षीया बालिका र १९ वर्षीया युवतीमा संक्रमण पुष्टि भएको जिल्ला प्रशासन कार्यालयका प्रशासकीय अधिकृत जगदिश मिश्रले दस्तखत गरी जारी गर्नु भएको विज्ञप्तिमा उल्लेख गरिएको छ । उहाँका अनुसार आज जिल्लामा कुल संक्रमित संख्या दुई हजार ३२५ पुगेको छ । सो विज्ञप्ति अनुसार आजका दिनमा कोरोना जित्ने ९ जना थप भएका छन् भने आज मर्स्याङदी गाउँपालिका– ३ का ७५ वर्षका पुरुषको निधन भएको छ । योसँगै जिल्लामा कोरोनाका कारण निधन हुने कुल संख्या ३६ जना पुगेको छ ।
स्मरणीय छ, साउन ७ गतेका दिनमा संक्रमण शून्य अंकमा झरेर खुसीको सञ्चार गराएकोमा धेरै दिन पछि साउन १४ गते संक्रमित संख्या एक अंकमा झरेर ९ जनामा पुष्टि भएको थियो ।
No comments:
Post a Comment