लमजुङमा कारोना संक्रमित संख्या स्थिर, आज संक्रमित एक पालिकामा सीमित, १७ जनामा संक्रमण पुष्टि, मृत्यु शुन्य

अन्तरङ्ग सम्वाददाता

बेसीशहर– लमजुङमा कोरोना भाइरस(कोभिड– १९)का संक्रमितहरूको संख्या स्थिर देखिएको छ । आज राइनास नगरपालिकामा मात्र संक्रमण पुष्टि भएको छ । जिल्लागत रुपमा आजका दिनमा पनि हिजोकै संख्या १७ जनामा नयाँ संक्रमण पुष्टि भएको जिल्ला प्रशासन कार्यालयले असार २४ गते जारी विज्ञप्तिमा उल्लेख गरिएको हो । आज कोरोनाका कारण हुने गरेको मृत्यु शुन्य रहेको छ । 

        आजका सक्रमतिमा राइनास नगरपालिकाका १४ जना र भानु नगरपालिका तनहूँमा स्थायी बसोबास भई लमजुङमा बस्ने ३ जनामा संक्रमण पुष्टि भएको छ । उनीहरू क्रमशः ४ वर्षीया बालिका, ४० वर्षीया महिला र ४३ वर्षका पुरुष रहेको जिल्ला प्रशासन कार्यालयले जनाएको छ । आज सबैभन्दा कम उमेरमा ४ वर्षीया बालिका छन् । त्यस्तै, अधिक उमेरमा ७४ वर्षका पुरुष छन् । उनीहरू क्रमशः भानु नगरपालिका र राइनास नगरपालिका– ८ का हुन् । 

        आज जिल्लाका सात पालिकाहरू बेसीशहर, सुन्दरबजार नगरपालिका, मध्यनेपाल नगरपालिका, दूधपोखरी गाउँपलिका, दोर्दी गाउँपालिका, मर्स्याङ्दी गाउँपलिका र क्ब्होलासोथर गाउँपालिकामा संक्रमित फेला परेका छैनन् । 

        आज संक्रमित हुनेहरूमा राइनास नगरपालिका– ५ का ३८ वर्षका पुरुष र ३५ वर्षीया महिला छन् । वडानं– ८ का १९, २०, २१, २९ र ७४ वर्षका पुरुष र सोही वडाका ३० वर्षका दुई जना, ४४, ५०, ५५ वर्षका दुई जना र ६४ वर्षीया महिलामा संक्रमण देखिएको जिल्ला प्रशासन कार्यालयका प्रशासकीय अधिकृत जगदिश मिश्रले जारी गर्नु भएको विज्ञप्तिमा जनाइएको छ । सो विज्ञप्तिका अनुसार आजका दिनसम्म कोरोनाबाट निधन हुनेको संख्या छैन । 

        आजका दिनसम्म जिल्लामा कुल संक्रमितहरू दुई हजार ३० पुगेको छ । आज कोरोना जित्नेको संख्या थप भएको छैन । आजका दिनमा जिल्लामा सक्रिय संक्रमितहरू २६७ जना पुगेका छन् ।   

        स्मरणीय छ, हिजो असार २३ गतेका दिनमा पनि १७ जनामा नै संक्रमण पुष्टि भएको थियोे भने अस्ति २२ गतेका दिनमा ११ जनामा संक्रमण पुष्टि भएको जिल्ला प्रशासन कार्यालयले जनाएको थियो ।