अन्तरङ्ग सम्वाददाता
बेसीशहर– लमजुङमा कोरोना भाइरस(कोभिड– १९)का संक्रमितहरूको कुल संख्याले दुई हजार नाघेको छ । आज १७ जनामा नयाँ संक्रमण पुष्टि भएको जिल्ला प्रशासन कार्यालयले असार २३ गते जनाएको हो । आज थप भएका संक्रमित संख्यासँगै जिल्लामा कुल संक्रमितहरू दुई हजार १३ पुगेको छ । खुशीको खबर के छ भने आज पनि हिजो २२ गते जस्तै बालबालिकाहरूमा संक्रमण पुष्टि भएको छैन ।
आजका सक्रमतिमा मध्यनेपाल नगरपालिकाका १४ जना, बेसीशहर नगरपालिकाका २ जना र गोरखामा स्थायी बसोबास भई लमजुङ बस्ने २४ वर्षका एक पुरुषमा संक्रमण पुष्टि भएको हो । आज सबैभन्दा कम उमेरमा २४ वर्षीया एक महिला र दुईजना पुरुष छन् । त्यस्तै, अधिक उमेरमा ५८ वर्षका पुरुष छन् । उनीहरू कम उमेरमा बेसीशहर नगरपालिका– ८ पुरुष, गोर्खाका पुरुष र मध्यनेपाल– ४ की महिला हुन् भने अधिक उमेरमा मध्यनेपाल नगरपालिका– ६ का हुन् ।
आज सुन्दरबजार नगरपालिका, राइनास नगरपालिका, दूधपोखरी गाउँपलिका, दोर्दी गाउँपालिका, मर्स्याङ्दी गाउँपलिका र क्ब्होलासोथर गाउँपालिकामा पनि संक्रमित फेला परेका छैनन् ।
आज संक्रमित हुनेहरूमा मध्यनेपाल नगरपालिका– ३ का ३९ वर्षका पुरुष र ३५ वर्षीया महिला छन् । वडानं– ४ का ३६ वर्षका पुरुष र सोही वडाका २४, ४३ र ४९ वर्षीया महिला छन् । त्यस्तै, सोही नगरपालिका– ६ का ३७ र ५८ वर्षका पुरुष तथा ३१, ४१ र ४२ वर्षीया महिला छन् । वडानं– ७ का ३३ र ५४ वर्षीया महिला तथा वडानं– ९ का ५४ वर्षीया महिला संक्रमित फेला गरेका छन् ।
त्यस्तै, बेसीशहर नगरपालिका– ७ का ३२ वर्षका पुरुष र वडानं– ८ का २४ वर्षका पुरूषमा संक्रमण देखिएको जिल्ला प्रशासन कार्यालयका प्रशासकीय अधिकृत जगदिश मिश्रले जारी गर्नु भएको विज्ञप्तिमा जनाइएको छ । सो विज्ञप्तिका अनुसार आजका दिनसम्म कोरोनाबाट निधन हुनेको संख्या ३० पुगेको छ ।
आज मध्यनेपाल– ८ का ६२ वर्षका पुरुषको मेडिप्लस अस्पतालमा उपचारका क्रममा मृत्यु भएको सो विज्ञप्तिमा उल्लेख छ । आज थप भएका संक्रमित संख्यासँगै जिल्लामा कुल संक्रमितहरू दुई हजार १३ पुगेको छ भने एक हजार ७ सय ३३ जनाले कोरोनालाई जिती सकेका छन् । आजका दिनमा जिल्लामा सक्रिय संक्रमितहरू २५० जना रहेका छन् ।
स्मरणीय छ, हिजो असार २२ गतेका दिनमा ११ जनामा संक्रमण पुष्टि भएकोमा आज भने हिजोको तुलनामा थप ६ जना बढेका छन् ।
No comments:
Post a Comment