अन्तरङ्ग सम्वाददाता
बेसीशहर– जन्म दिनमा बृक्षारोपण अभियान लमजुङद्वारा अभियन्ता बन्नुभएका पत्रकार महासंघ जिल्ला शाखाका पदाधिकारीहरूलाई सम्मान गरेको छ । प्रमुख जिल्ला अधिकारी होमप्रसाद लुइटेलको प्रमुख आतिथ्यतामा साउन ३ गते उहाँहरूलाई सम्मान गरिएको हो ।
प्रमुख अतिथि प्रजिअ लुइँटेलले महासंघका जिल्ला अध्यक्ष परमेश्वर अधिकारी, उपाध्यक्ष अनुज अधिकारी, प्रदेश सदस्य रामजी राना र जिल्ला सदस्या सृजना घिमिरेलाई सम्मान गर्नुभएको हो । प्रजिअ लुइँटेलले बृक्षारोपण जस्ता अभियानमा एक व्यक्तिले मात्र नभई सिङ्गो देश र जिल्लाबासी नै यस अभियानमा लागे भने देश र जिल्ला नै हराभर हुने बताउनु भयो ।
महासंघका अध्यक्ष परमेश्वर अधिकारीले यो अभियानमा जिल्लाका पत्रकारहरूको ऐक्यवद्धता रहने बताउनु भयो । जन्मदिनमा बृक्षरोपण अभियानका अध्यक्ष बासुदेव सेढाईका अध्यक्षतमा भएको कार्यक्रममा उहाँले भभियान्तहरु धेरै भन्दा धेरै बनाएर सिङ्गो देशलाई नै हरियाली बनाउने, जातावरण संरक्षणमा सहयोग गर्नुका साथै भूक्षय, बाढी, पहिरो जस्ता विपतिलाई नियन्त्रण गर्ने उद्धेश्यले सो कार्यक्रम गरिएको बताउनु भयो ।
कार्यक्रमको अभियानका कोषाध्याक्ष रामजी बसौलले सञ्चालन गर्नु भएको थियो ।
यसैबीच, प्रजिअ लुइँटेलले पनि आफ्नो जन्मदिनमा बृक्षारोपण गर्नु भएको छ ।
No comments:
Post a Comment