अन्तरङ्ग सम्वाददाता
बेसीशहर– लमजुङमा कोरोना भाइरस(कोभिड– १९) को संक्रमित हिजोको तुलनामा आज दोब्बर थपिएका छन् । आज असार ५ गते १६ जनामा संक्रमण पुष्टि भएको हो ।
आज सबैभन्दा बढी मध्यनेपाल नगरपालिकामा आठ जना, बेसीशहर नगरपालिकामा ६ जना र सुन्दरबजार नगरपालिकामा २ जना संक्रमित भएको जिल्ला प्रशासन कार्यालयको फेसबुक पेजमा उल्लेख गरिएको छ ।
आज दुई जना बालबालिका संक्रमित फेला परेका छन् भने सबैभन्दा बढी उमेरमा ६३ बर्षका पुरुष रहेका छन् । उनी बेसीशहर नगरपालिका– १ का हुन् । बालबालिकामा १० वर्षको बालक छन् । उनी मध्यनेपाल नगरपालिका– १० का हुन् ।
मध्यनेपाल नगरपालिका– ७ का १० बर्षका बालक तथा ५८ र ६२ वर्षका पुरुष तथा १३ वर्षीया बालिका, १७ र १८ किशोरी तथा ४५ र ६० वर्षीया महिला संक्रमित भएका छन् ।
बेसीशहर नगरपालिका– १ का ६३ बर्षका पुरुष, वडा नं २ का वर्ष ४३ का पुरुष, वडा नं ३ का बर्ष ५५ का पुरुष, वडा नं ७ बस्ने २४ र ४३ बर्षीया महिला, वडा नं ८ का ३१ बर्षका पुरुष संक्रमित भएका छन् ।
त्यस्तै, सुन्दरबजार नगरपालिका– ९ का २८ बर्षीया महिला र वडा नं ११ का २६ बर्षीया महिलामा संक्रमण पुष्टि भएको जिल्ला प्रशासन कार्यालयको आधिकारीक फेसबुक पेजमा उल्लेख गरिएको छ । सो विज्ञप्ति अनुसार जिल्लामा कोरोना संक्रमित हुनेको कुल संख्या एक हजार ७९० पुगेको छ । हालसम्म एक हजार ३२९ जनाले कोरोना जित्न सफल भइसक्नु भएको छ । जिल्लामा आजका दिनमा सक्रिय संक्रमितको संख्या ४३७ रहेको छ भने २४ जनाको दुःखद निधन भएको छ ।
स्मरणीय छ, हिजो संक्रमण संख्या एक अंकमा झरेर नयाँ संक्रमित संख्या जम्मा आठ जना रहेको थियो तर आज फेरि त्यो बढेर १६ पुगेको छ ।
No comments:
Post a Comment