लमजुङमा कोरोना संक्रमित संख्या स्थिर अर्थात आज पनि १७ जना नयाँ संक्रमित थप

अन्तरङ्ग सम्वाददाता

बेसीशहर– लमजुङमा कोरोना भाइरस(कोभिड– १९) को संक्रमितको नयाँ आज स्थिर देखिएको छ । हिजो असार ७ गते जस्तै आज ८ गतेका दिनमा पनि १७ जना संक्रमण पुष्टि भएसँगै हिजो र आज नयाँ संक्रमित संख्या समान संख्या १७ भई अवस्था स्थिर देखिएको हो  । आज पनि थप एक जनाको दुःखद निधन भएको छ ।

        आज सबैभन्दा कम उमेरका संक्रमित १२ वर्षका बालक छन् भने अधिक उमेरमा ७२ वर्षीया महिला छन् । उनीहरू दुवैजना मध्यनेपाल नगरपालिका– ५ का हुन् ।

        आज बसैभन्दा बढी संक्रमित पनि मध्यनेपाल नगरपालिकामै ८ जना देखिएका छन् भने सुन्दरबजार नगरपालिकाका ६ जना, बेसीशहर नगरपालिकाका २ जना र मर्स्याङदी गाउँपालिका– ६ का ६८ वर्षका पुरुष संक्रमित भएको जिल्ला प्रशासन कार्यालयबाट जारी गरिएको विज्ञप्तिमा उल्लेख छ ।

        आजका संक्रमितहरूमा मध्यनेपालनगरपलिका– ५ का १२ वर्षका बालक, २०, ४२ र ७० वर्षका पुरुष तथा ५४ र २ वर्षीया महिला छन् । 

        सुन्दरबजार नगरपालिका– २ का ४१ वर्षका पुरुष, वडानं– ७ का ४० वर्षीया महिला छन् भने वडानं– ९ का २९, ३७ र ५१ वर्षका पुरष र ३५ वर्षीया महिला संक्रमित भएको पुष्टि भएको छ । 

        त्यस्तै, बेसीशहर नगरपालिका– १ का ५६ वर्षीया महिला र वडानं– ३ का ५० वर्षका पुरुषमा संक्रमण पुष्टि हुन आएको जिल्ला प्रशासन कार्यालयका प्रशासकीय अधिकृत जगदिश मिश्रले दस्तखत गरी जारी गर्नु भएको विज्ञप्तिमा उल्लेख छ । उहाँका अनुसार हिजो निधन भएका एकजनाको आजको तथ्यांकमा समावेश गरिएको छ, जसअनुसार जिल्लामा कोरोनाका कारण निधन हुनेको संख्या २५ पुगेको छ । आजका दिनसम्म कोरोना जित्नेको कुल संख्या एक हजार ८२४ पुगेको छ । यसैगरी, सक्रिय संक्रमितको संख्या ४३४ जना रहेको उक्त विज्ञप्तिमा उल्लेख छ । आजका दिनसम्म कोरोना जित्ने जिल्लाको कुल संख्या एक हजार ३५६ रहेको छ । 

        स्मरणीय छ, असार ६ गते जिल्लाका संक्रमित संख्या शून्य भएको थियो भने ४ गतेका दिनमा संक्रमित संख्या एक अंकमा झरेर ८ जना संक्रमित पुष्टि भएका थिए । तर हिजो असार ७ गते र आज ८ गतेको संक्रमण संख्या समान १७ रहेको छ ।