लमजुङमा कोरोना संक्रमित आज थपिए सात बालबालिका सहित ८० जना नयाँ संक्रमित, एकहजार १९४ कुल संक्रमित

अन्तरङ्ग सम्वाददाता

बेसीशहर– लमजुङमा कोरोना भाइरस(कोभिड– १९) को दोस्रो प्रकोपका क्रममा संक्रमित संख्या बढ्ने क्रम जारी छ । जेठ २० गते सात जना बालबालिकासहित ८० जना नयाँ संक्रमित थप भएका छन् भने एक जनाको निधन भएको छ । जिल्लामा संक्रमितको संख्या एक हजार १९४ पुगेको छ । कोरोनाका कारणले ज्यान गुमाउने संख्या १८ पुगेको छ । आज भने कोरोना जित्ने संख्या थप भएन, जिल्लाका कुल संक्रमित मध्ये ४३५ जनाले सफल भएका   छन् । 

        आजका संक्रमितमध्ये सबैभन्दा धेरै ३५ जना मर्स्याङ्दी गाउँपालिकाका छन् । त्यस्तै, राइनास नगरपालिकामा १५ जना, दोर्दी गाउँपालिकामा ८ जना संक्रमित पुष्टि भएको छ भने बेसीशहर नगरपालिकाका ६ जना र तनहूँ घर भई बेसीशहर बस्ने ८३ वर्षीया महिलामा संक्रमण पुष्टि भएको जिल्ला प्रशासन कार्यालयबाट जारी विज्ञप्तिमा उल्लेख छ ।

        सो विज्ञप्ति अनुसार आज संक्रमित हुनेमा सात जना बालबालिका छन् । ८ वर्षका बालकदेखि ८३ वर्षीया बृद्ध महिला संक्रमित भएको पाइएको छ । 

        मर्स्याङ्दी गाउँपालिका– ३ का ७० वर्षका पुरुष, वडानं– ७ का २५, २७, ३० वर्षका दुईजना, ३७, ३९, ४२, ४३, ४५, ४६ वर्षका दुईजना, ५१, ५४, ५६ वर्षका दुईजना, ५७, ६०, ६१, ७० वर्षका दुईजना र ७३ वर्षका पुरुष छन् । त्यस्तै सोही वडाका १६, ३१, ३२, ३५, ३६, ४० वर्षका दुईजना, ४४, ४७, ५२, ५३, ६८ र ८० वर्षीया महिलामा संक्रमण पुष्टि भएको छ ।

        राइनास नगरपालिका– ३ का २५, २७, ३१, ४१ र ५१ वर्षका पुरुष तथा ३०, ३६, ४० र ४६ वर्षीया महिला, वडानं– ४ का ४० र ५८ वर्षका पुरुष तथा ४० वर्षीया महिला छन् । त्यस्तै, वडानं– ६ का ८ र १२ वर्षका बालक तथा २५ वर्षका पुरुषमा संक्रमण देखिएको छ । 

        सुन्दरबजार नगरपालिका– ९ का २५, ३०, ३१, ३६, ४४, ४९, ६० वर्षका दुईजना र ६१ वर्षका पुरुष संक्रमित भएका छन् भने सोही वडाका ३८, ४०, ४७, ५९ र ६१ वर्षीय महिला पनि संक्रमित भएका छन् ।

        दोर्दी गाउँपालिका– १ का २४, २८, ५०, ५३, ५७ र ७४ वर्षका पुरुष, वडानं– २ का ६० र ६७ वर्षका पुरुष र ६७ वर्षीया महिला, वडानं– ४ का १४, १६ वर्षका बालक तथा २२, ३२ र ५५ वर्षका पुरुष तथा १४ वर्षीया बालिका र २७ वर्षीया महिला संक्रमित छन् । सोही गाउँपालिका– ६ का ७२ वर्षका पुरुष संक्रमित  छन् ।

        बेसीशहर नगरपालिका– ६ का ५८ वर्षका पुरुष तथा ५४ वर्षीया महिला, वडानं– ८ का ४० वर्षका पुरुष, वडानं– ११ का १५, ५५ र ५८ वर्षका पुरष संक्रमित भएको जिल्ला प्रशासन कार्यालयका प्रशासकीय अधिकृत जगदिश मिश्रले दस्तखत गरी जारी गर्नु भएको विज्ञप्तिमा उल्लेख छ । उहाँका अनुसार आज सन्दरबजार नगरपालिका– ३ का एक ४३ वर्षका पुरुष संक्रमितको दुःखद निधन भएको छ । यो मृत्यु हिजै भए पनि आज मात्र तथ्यांकमा समावेश गरिएको हो । 

        आजसम्म जिललमा संक्रमण पुष्टि भएको सर्वाधिक संख्याको पाँचौं दिन हो । यसअघि जेठ १६ गते एकैदिन १ सय २४ जना, जेठ १२ गते एकैदिनमा ११२ जना नयाँ संक्रमित थप भएका थिए भने जेठ ९ गते ९७ जना, जेठ ११ गते ८४ जना संक्रमित फेला परेका थिए । आज २० गते ८० जना फेला परेको बताइएको छ ।

        त्यस्तै, जेठ ३ गते ७२ जना, १० गते ७१ जना तथा जेठ १३ गते ६९ जना नयाँ संक्रमित पुष्टि भएको जिल्ला प्रशासन कार्यालयले जनाएको थियो । 

        स्मरणीय छ, यसप्रकार जिल्लामा कोरोना संक्रमणको पुष्टि हुने क्रम खासै घटेको छैन । त्यसैले जिल्ला प्रशासन कार्यालय आज जेठ २० गतेसम्मका लागि जारी गरेको निषेधाज्ञा थप एक साताको लागि बढाएर २७ गतेसम्मका लागि पुर्याएको जनाएको छ ।