अन्तरङ्ग सम्वाददाता
बेसीशहर– लमजुङ जिल्लामा आज थप २४ जनाले कोरोना जितेका छन् भने थप ३५ जना नयाँ व्यक्तिमा संक्रमण पुष्टि भएको छ । आज जेठ ३१ गते जिल्लामा मृत्यू शून्य छ । जिल्लामा कोरोना संक्रमितको कुल संख्या १६३७ पुगेको छ । विगतमा सर्वाधिक संक्रमित देखिने गरेका सदरमुकाम स्थित बेसीशहर तथा सुन्दरबजार नगरपालिकाका साथै मर्स्याङ्दी गाउँपालिकामा आज नयाँ संक्रमित पुष्टि नभएको सुखद खबर छ । त्यसो त दोर्दी गाउँपालिका र क्ब्होलासोंथर गाउँपालिकामा पनि आज नयाँ संक्रमित भेटिएका छैनन् । जिल्लामा कोरोना जित्ने संख्या एक हजार १७९ रहेको छ ।
आज लमजुङमा सबैभन्दा धैरै मध्यनेपाल नगरपालिकामा २९ जनामा संक्रमित थपिएका छन् । तीमध्ये २३ जना वडानं– ७ का मात्र छन् । साथै, राइनास नगरपालिका र दूधपोखरी गाउँपालिकामा ३/३ जनामा कोरोना संक्रमण पुष्टि भएको छ ।
उमेरका हिसावले आज सबैभन्दा कम तीन वर्षका बालक सहित आठ जना संक्रमित थप भएका छन् । उनीहरू सबै मध्यनेपाल नगरपाकिला– ७ का हुन् । उक्त वडामा ६ वर्षका एकएक जना बालक र बालिका, १० वर्षकी बालिका र १६ वर्षका चार जना बालक र बालिका छन् । त्यसैगरी, २० वर्षसम्म उमेरका थप पाँचजना किशोरकिशोरीमा संक्रमण पुष्टि भएको छ । उनीहरूमा १८ वर्षका दुईजना, १९ वर्षीया किशोरी र २० वर्षका दुईजना किशोर हुन् भने राइनास नगरपालिका– ४ का १९ वर्षका किशोरमा संक्रमण पुष्टि भएको छ ।
त्यस्तै, सर्वाधिक उमेरमा मध्यनेपाल नगरपालिका– ७ कै ९४ वर्षीया महिला रहेको छन् । अन्य ८० वर्षभन्दा माथिको उमेरका संक्रमितमा सोही वडाका ८५ वर्षका पुरुष रहेका छन् । उक्त वडाका अन्य उमेरका संक्रमितमा २३, ३५ र ४२ वर्षका पुरुष छन् । सोही वडाका २८, ३०, ४०, ४१, ६० वर्ष उमेरका दुई जना छन् । उक्त नगरपालिका– ३ का २५, २६ र ४५ वर्षीया महिला, वडानं– ८ का २५ वर्षका पुरुष र ५० र ७८ वर्षीया महिला संक्रमित भएका छन् ।
राइनास नगरपालिका– ३ का ५० वर्षीया महिला, वडानं– ४ का १९ वर्ष र ४८ वर्षका पुरुषमा संक्रमण देखिएको छ । यसैगरी, दूधपोखरी गाउँपालिका– १ का ५० वर्षका पुरुष तथा वडानं– ६ मा घर भएका २६ वर्षका दुई जना पुरुष संक्रमित भएको जिल्ला प्रशासन कार्यलयका प्रशासकीय अधिकृत जगदिश मिश्रले दस्तखत गर्नु भएको विज्ञाप्तिमा उल्लेख गरिएको छ । उहाँका अनुसार नयाँ संक्रमित सबैको अवस्था सामान्य रहेको छ । उनीहरू सबै होम आइसोलेसनमा रहेका छन् ।
No comments:
Post a Comment