पूर्वप्रधानमन्त्री खनालको अक्सिजन सपोर्टमा उपचार हुँदै, आकस्मिक कक्षबाट वार्डमा सारियो

अन्तरङ्ग सम्वाददाता

काठमाडौं– पूर्व प्रधानमन्त्री तथा नेकपा एमालेका नेता झलनाथ खनालको अवस्था सामान्य रहेको अस्पतालले जेठ ३१ गते जनाएको छ । अस्वस्थ भएपछि उहाँलाई नर्भिक अस्पतालमा आज विहान भर्ना गरिएको थियो । उहाँलाई आकस्मिक कक्षबाट वार्डमा सारिएको र अक्सिजन सपोर्टमा उपचार जारी राखिएको अस्पतालले जनाएको छ ।

        नेता खनालको अवस्था सामान्य रहेको र रगतमा हेमोग्लोबिनको कमी देखिएको अस्पतालको सञ्चार तथा जनसम्पर्क विभागले जानकारी दिएको छ । अस्पतालको सूचनामा भनिएको छ ‘आवश्यक जाँच तथा उपचार प्रक्रिया जारी राखिएको छ ।’

        नेता खनाललाई पछिल्लो ९ दिनदेखि ज्वरो आइरहेको थियो । उहाँको लक्षण हेर्दा पोस्ट कोभिडपछिको समस्या हुनसक्ने अनुमान गरिएको उपचारमा संलग्न चिकित्सकहरूले बताएका छन् । उनीहरूका अनुसार ज्वरो कम नभएसँगै स्वास्थ्यमा थकान महसुस हुने, सास फेर्न गाह्रो हुनेजस्ता समस्या पनि देखिएपछि आकस्मिक कक्षमा भर्ना गरिएको थियो । 

        स्मरणीय छ, कोरोना संक्रमण भएपछि खनाल गत वैशाख १८ गते नर्भिक अस्पताल भर्ना भएर निको भई वैशाख २८ गते घर फर्किर्नु भएको थियो ।