अन्तरङ्ग सम्वाददाता
बेसीशहर– लमजुङमा कोरोनाका नयाँ संक्रमितको संख्या आज असार १२ गते १२ जना थप भएको छ । योसँगै जिल्लामा कोरोना संक्रमित हुनेको संख्या एक हजार ८९० पुगेको छ । हालसम्म एक हजार ६१३ जनाले कोरोना जिती सक्नु भएको छ भने जिल्लामा सक्रिय संक्रमितको संख्या २५१ मात्र रहेको छ । त्यस्तै २६ जनाको कोरोनाका कारण दुःखद निधन भएको छ ।
आज सबैभन्दा धेरै बेसीशहर नगरपालिकामा १० जना संक्रमित थप भएका छन् । त्यस्तै, मध्यनेपाल नगरपािलका– ८ का ५२ वर्षीया महिला तथा राइनास नगरपालिका– ८ का २७ वर्षका पुरुष संक्रमित भएका छन् ।
आजका संक्रमितमा सबैभन्दा कम उमेरका २७ वर्षका पुरुष र सर्वाधिक उमेरमा ७३ वर्षका एक एक जना पुरुष र महिला हुनुहुन्छ ।
आज बेसीशहर नगरपपालिका– १ का बर्ष ६२ का पुरुष र बर्ष ३७ वर्षीया महिला, वडा नं ३ का बर्ष ५४ का पुरुष, वडा नं ७ बस्ने ५९ बर्षका पुरुष तथा वर्ष २८ र ५५ वर्षीया महिल तथा वडा नं ८ का बर्ष २३, ३३ र ७३ वर्षका पुरुष तथा वर्ष ७३ वर्षीया महिलामा संक्रमण देखिएको जिल्ला प्रशासन कार्यालयको फेसबुक पेजमा जनाइएको छ । सो विवरण अनुसार जिल्लामा सक्रिय संक्रमितको संख्या २५१ मात्र रहेको छ ।
No comments:
Post a Comment