अन्तरङ्ग संवाददाता
बेसीशहर– बेसीशहर नगरपालिकाले कडा रोगका कारण विरामी परेका र उपचारमा आर्थिक समस्या परेका विपन्नलाई उपचारका लागि सिफारिस गरेको छ । नगरपालिकाले उनीहरुलाई १÷१ लाख रुपैयाँ बराबरको उपचार खर्च सिफारिस गरेको हो ।
आर्थिक बर्ष २०७७÷०७८ को साउनदेखि चैतसम्मको अवधिमा २५ जनालाई उपचारका लागि त्यस्तो सिफारिस गरेको हो । सिफारिस गरिएका विरामीले नेपाल सरकारले तोकेको अस्पतालमा सेवा पाउने भएको नगरपालिका स्वास्थ्य शाखा प्रमुख मनोजसिंह बोहोराले बताउनुभयो । उहाँका अनुसार विभिन्न कडा रोगहरू मुटु, मृगौला, क्यान्सर, पार्किन्सस, अन्जाइमर्स, हेडईन्जुरी, स्पाईनल ईन्जुरी जस्ता रोगमा नेपाल सरकारले तोकिएका अस्पतालमा १ लाख रुपैयाँ छुटका लागि सिफारिस गरिएको हो । उहाँले भन्नुभयो, ‘नगरपालिकाबाट त्यसरी सिफारिस गरिएकाहरूमा ११ जना क्यान्सरका विरामी, ६ जना मुटु रोगी, ५ जना मृगौलाका विरामी, २ जना हेडईन्जुरीका विरामी र १ जना स्पाईनल ईन्जुरीका विरामीलाई सिफारिस गरेको हो ।’
गत आर्थिक बर्षमा नगरपालिकाले १८ जना क्यान्सरका विरामी, १७ जना मुटु रोगका विरामी, १२ जना मृगौलाका विरामी, २ जना हेडईन्जुरी र १ जना अन्जाईमर्सका विरामीलाई सिफारिस दिएको बोहोराले जानकारी दिनु भयो । उहाँका अनुुसार नगरपालिकाले आर्थिक अवस्था कमजोर भएका दीर्घ तथा कडा रोग लागेका नागरिकलाई उपचारको सिफारिस गर्दै आएको छ ।
No comments:
Post a Comment