लमजुङमा एकै दिन थपिए ७२ जना कोरोना संक्रमित, कुल संक्रमित संख्या २९७ जना, थप एकको निधन

अन्तरङ्ग संवाददाता

बेसीशहर– लमजुङमा कोरोना भाइरस(कोभिड– १९) को दोस्रो प्रकोप निकै त्रासदीपूर्ण बन्दै गएको छ । एकैदिन कोरोना संक्रमितको संख्या ७२ थप पुष्टि जेठ ३ गते भएको छ । योसँगै जिल्लामा कोरोना संक्रमितको कुल संख्या २९७ जना पुगेको छ ।

उनीहरू सबैको कन्ट्रयाक्ट ट्रेसिङको आधारमा स्वाव संकलन गरी कोरोना परीक्षण गरिएको जिल्ला प्रशासन कार्यालय लमजुङले जनाएको छ । बेसीशहर नगरपालिकाको २७ जना, मस्र्याङ्दी गाउँपालिकाको २४ जना, सुन्दरबजार नगरपालिकाको १८ जना, दोर्दी गाउँपालिकाको २ जना र राइनास नगरपालिकाको १ जनामा कोरोना संक्रमण पुष्टि भएको हो । 

नयाँ थप भएका संक्रमितमा बेसीशहर नगरपालिकाका २७ जना छन् । तीमध्ये ११ जना महिला छन् । मस्र्याङ्दी गाउँपालिकाका २४ जना छन् र तीमध्ये महिला १३ जना छन् । सुन्दरबजार नगरपालिकाका १८ जनामध्ये ५ जना महिला छन् । राइनास नगरपालिकाका एक जना र दोर्दी गाउँपालिकाका– दुई जना पुरुष रहेको जिल्ला प्रशासन कार्यालयबाट जारी गरिएको विज्ञप्तिमा उल्लेख छ । ंसंक्रमित भएकाहरूमा बेसीशहर नगरपालिका– – १ का २५ वर्षका पुरुष, वडानं– ३ का ६० वर्षका पुरुष तथा १३ र ३४ वर्षीया महिला छन् । वडा नं. ६ का ३२ वर्षीया महिला, वडान– ७ का १३, १५, २३, ३५, ३८, ४३ र ४९ वर्षका पुरुष छन् भने १४, २७ ४२ र ६० वर्षीया महिला रहेको छन् । सोही नगरपालिका– ८ को २६ र ५८ वर्षका पुरुष तथा २५, ३५ र ५८ वर्षीया महिला छन् । वडा नं. ९ का २७, २८, ६२ र ६३ वर्षका पुरुषका साथै ५९ वर्षीया महिला छन् । सोही नगरपालिका– ११ का ४५ वर्षका पुरुषमा कोरोना संक्रमण पुष्टि भएको हो । 

यस्तै, मस्र्याङ्दी गाउँपालिका– ६ का ५५, ३१, ३३, ७८, ५७, २१, ६५ र ६५ वर्षका पुरुष, ६१, ५५, २०, २३, ४२, २०, ४२ र ५१ वर्षीया महिला, वडा नं. ३ का २७ वर्षिय पुरुष, २८, ३२, र ३३ वर्षीया महिला, वडा नं. ८ का २३ र ८२ वर्षिय पुरुष, ३० वर्षीया महिलामा संक्रममण पुष्टि भएको सो विज्ञप्तिमा भनिएको छ । 

यस्तै, सुन्दरबजार नगरपालिका– २ का २३ र ५० वर्षका पुरुष, वडा नं. ३ का २२, २७ र २८ वर्षका पुरुष, वडा नं. ५ का २८ वर्षीया महिला, वडा नं. ६ का ६२ वर्षका पुरुष, वडा नं. ७ का २२, ४०, र ४८ वर्षका पुरुष, वडा नं. ८ का २२, ३२, ३३, र ४९ वर्षका पुरुष, २० र ३३ वर्षीया महिला, वडा नं. ९ का ४० र ४७ वर्षका पुरुषमा कोरोना संक्रमण पुष्टि भएको उक्त विज्ञप्तिमा उल्लेख छ । 

दोर्दी गाउँपालिका– २ का ४५ वर्षका पुरुष र सोही पालिका– ९ का ४१ वर्षका पुरुषमा संक्रमण पुष्टि भएको हो । यसैगरी, राइनास नगरपालिका– ६ का ६९ वर्षका पुरुषमा जिल्ला अस्पताल लमजुङका गरिएको एन्टिजेन परीक्षणमा संक्रमण पुष्टि भएको प्रशासनले जनाएको छ ।  

जिल्ला प्रशासन कार्यालय लमजुङका प्रशासकीय अधिकृत जगदिश मिश्रले दस्तदत गरी जारी गर्नु भएको विज्ञप्तिमा ७२ जना थप भएसँगै जिल्लामा कोरोना संक्रमितको संख्या २९७ जना पुगेको उल्लेख छ । 

ऐलेसम्म जिल्लाका कोरोनाको व्यापक परीक्षण हुन सकेको छैन । सिमित परीक्षण गरिदाको स्थिति यस्तो छ भने वडा वडास्तरमा व्यापक परीक्षण गर्ने हो भने यो संख्या संक्रमितको संख्या कति बृद्धि होला सहज अनुमान गर्न सकिन्छ । स्वावको रिर्पोट आउनका लागि अझै पनि ८,१० दिन लाग्ने गरेको स्थिति छ । यसले पनि सर्वसाधारणमा कोरोना परीक्षणमा उत्साह जागृत भएको देखिएको छैन ।

यसैबीच, कोरोना संक्रमित एक जनाको दुःखद निधन भएको छ । मध्यनेपाल नगरपालिका– ३, सोतीपसल निवासी ७० बर्षका बृद्धको जेठ ३ गते बिहान साँढे ९ बजे मृत्यु भएको हो । उहाँलाई ज्वरो आउने र रुघाखोकीको समस्या बढेपछि एक साताअघि पोखरा लगेर मणिपाल शिक्षण अस्पतालमा भर्ना गरिएको थियो । उच्च रक्तचाप, मधुमेहलगायत समस्या रहेका उहाँ करीब ७ बर्षदेखि ती रोगको नियमित औषधी सेवन गर्दै आउनुभएका उहाँको उपचारको क्रममा कोरोना रिपोर्ट पोजेटिभ देखिएको थियो । 

भारतीय भूपू सैनिक समेत रहनु भएका उहाँ केही दिन यता आइसीयुमा उपचारका क्रममा निधन भएको पारिवारिक स्रोतले बतायो । परिवार स्रोतका अनुसार काठमाडौंमा आफन्तको विवाह र भोजमा सहभागी ती बृद्ध घर फर्किएपछि उहाँ बिरामी पर्नु भएको थियो । 

जिल्लामा कोरोनाबाट मृतक भएकाहरूको संख्या के कति भयो भन्ने ठ्याक्क भन्न कठिन भएको छ । यो संख्याको आधिकारिक पुष्टि नभएका कारणले गर्दा संख्या भन्न नसकिएको हो ।