श्रेष्ठ दम्पतीद्वारा जन्म महिनाको उपलक्ष्यमा आइसोलेसनमा बसेकालाई सहयोग, पहिलो पटक फलफूल खान पाएको भन्दै खुशी व्यक्त

सुन्दरबजार(लमजुङ)– अन्तरङ्गका ब्यूरो प्रमुख एवम् सामाजिक व्यक्तित्व विष्णुकमार श्रेष्ठ दम्पतीद्वारा लमजुङ कृषि क्याम्पसको आइसोलेसनमा राखिएका व्यक्तिहरूलाई फलफूल सहित स्वास्थ्य सामग्री सहयोग गर्नु भएको छ । आफ्नो जन्म महिना(भदौ) को उपलक्ष्यमा उहाँहरूले भदौ ३० गते उक्त सहयोग गर्नुभएको हो । 

आइसोलेसनमा रहनु भएका ३७ जनालाई आवश्यकता अनुसार सामग्री सहयोग गर्नुभएको हो । सुन्दरबजार नगरपालिका– ७ निवासी श्रेष्ठ दम्पती तथा उहाँहरूका दुई सुपुत्री सहितका परिवारजनले आइसोलेसनमा केही असहज स्थितिमा रहनु भएका व्यक्तिलाई सहजताका लागि व्यक्तिगत स्वास्थ्य सामग्री, फलफूल सहयोग गरेको श्रेष्ठले बताउनु भयो । उहाँका अनुसार आइसोलेसनमा रहदाको न्यास्रोपनलाई केही हदसम्म भए पनि चिर्न सहज होस् भन्ने हेतुले फलफूल, अण्डा, ब्रस, मञ्जन, साबुन, स्याम्पुलगायतको सामान सहयोग गरिएको हो ।  

सो कार्यमा न्यू श्रेष्ठ इन्टरप्राइजेज सुन्दरबजारकी प्रोपाइटर एवं श्रेष्ठकी श्रीमती मेनुका श्रेष्ठका साथै छोरीद्वय मल्लबी र मेविका श्रेष्ठले सहयोग गर्नुभएको हो । सुन्दरबजार च्याम्बर अफ कमर्सका अध्यक्ष समेत रहनुु भएका श्रेष्ठ शैक्षिक एवम् सामाजिक व्यक्तित्वका रुपमा समेत सुपरिचित हुनुहुन्छ ।

उक्त सहयोग पाएपछि आफूह½रू अत्यन्तै खुशी भएको आइसोलेसनमा रहनु भएका पत्रकार सीताराम बसेलले बताउनु भयो । उहाँका अनुसार यहाँ पहिलो पटक स्याउँ खान पाउँदा सबै साथीह½रूले खुशी हुँदै उहाँको परिवारलाई धन्यवाद दिनु भएको छ ।

श्रेष्ठको परिवारले यसअघि कोरोना संक्रमणबाट छरछिमेकमा मास्क, ग्लोव आदि वितरण गर्नु भएको थियो भने पाउँदी पारी रहेको शिवधाममा रहेको सर्वोदय सेवाश्रमका आश्रित जेष्ठ नागरिकलाई समेत सहयोग गर्दै आउनु भएको छ ।