लायन्स क्लबको ३२५ बि १ को ऐतिहासिक कार्य

विष्णुकुमार श्रेष्ठ

सुन्दरबजार(लमजुङ) । लायन्स क्लब ईण्टरनेशनल ३२५ बि १ ले एतिहासिक रेकर्ड कार्य गरेको छ । डिस्ट्रिक्ट गभर्नर लायन मनबहादुर रोकाको नेतृत्वमा उक्त कार्य भएको हो ।

हाइजेस्ट एलसिआइएफ कन्ट्रिब्युसन, १०४६ न्यु मेम्बर ग्रोथ, १०५७ सर्भिस एक्टिभिटी, ८८३ नेट ग्रोथ, १७ न्यु क्लबको चार्टर गर्न सफल भइ लायन्स क्लब इण्टरनेशनल ३२५ बि १ विश्व रेकर्ड कायम गर्न सफल भएको हो । क्लबले कोभिड- १९ को संक्रमण तथा हालै मुलुकका विभिन्न स्थानमा गएको पहिरोमा उद्दार तथा राहतका तदारुकताका साथ गरी उक्त रेकर्ड कायम गर्न सफल भएको हो । 

डिस्ट्रिक्टले बाढी पहिरोको कारण सिन्धुपाल्चोक, कास्की, गुल्मी, लमजुङ, तनहुँ लगायतका जिल्लामा ठूलो जनधनको क्षति भइ घरबार बिहीन भएको अवस्थामा राहत सामग्री हस्तान्तरण गरिएको छ । यस बाहेक विश्वव्यापी महमारीको रुपमा फैलिएको कोभिड- १९ को महामारी नियन्त्रणको अभियानमा नेपाल सरकारलाई भिटिएम कीट बक्स, पिपिइ, के एन ९५ मास्क, पन्जा हस्तान्तरण समेत गरेको छ । 

वर्तमान असहज परिस्थितिमा सबै लायन्स क्लबहरुलाई सेवामा लाग्न र सबै क्लबहरुलाई नयाँ मेम्वरसीप ग्रोथ गरी आफ्नो क्लबलाई बलियो बनाउन डिस्ट्रिक्ट गभर्नर मनबहादुर रोकाले आह्वान गर्नु भएको छ । 

डिस्ट्रिक्ट गभर्नरको पद ग्रहण गर्नुभएको पहिलो महिनामा नै विश्वमा एतिहासिक रेकर्ड कायम गरि विश्वको नम्बर १ डिस्ट्रीक्ट गभर्नरको लक्ष्य प्राप्त गर्न सफल हुनु भएको हो ।