लमजुङ । लमजुङमा आमा बिनाका ३ महिने बालकलाई एक सामाजिक अभियन्ताले व्यक्तिगत रुपमा सहयोग गरेका छन् । बेसीसहर नगरपालिका– ८ को ठाडोलाइन, प्रगतिटोलमा बस्दै आएका बालक सुकबहादुर तामाङ र उनको हेरचाह गर्दै आएका जिजुआमा ६९ बर्षीया सुकमाया तामाङलगायत परिवारले सहयोग प्रदान गरिएका हो ।
ती बालक सुकबहादुर तामाङ जन्मिएको एक महिनामै आमाले छोडेर बेपत्ता भएकी थिइन् । उनलाई बालबालिकाको क्षेत्रमा काम गर्दै आएका पोखरास्थित नमस्ते किड्स नेपालका अध्यक्ष सगुन गुरुङले १० हजार रुपैयाँ नगद पठाएर सो बराबरको १ बोरा चामल, आलु ३ किलो, दाल ३ किलो, खाने तेल ५ पोका, २ किलो प्याज, चिनी १ किलो, नुन १ पोका, चिपायपत्ती १ पोका सहयोग गरेका हुन् । साथै, बालकका लागि २ जोर लुगा, बेबी पाउडर, २ बोत्तल स्याम्पु, १ दर्जन नुहाउने साबुन, लुगा धुने १ दर्जन साबुन, ल्याक्टोजिन, झुललगायत लत्तकपडा, सरसफाई सामग्री, खाद्यान्नलगायत खरिद गरेर हस्तान्तरण गरिएको उक्त संस्थाका लमजुङ संयोजक अनिल गुरुङले बताए । उनका अनुसार ती सामग्री पत्रकार महासंघका जिल्ला अध्यक्ष आश गुरुङले हस्तान्तरण गरेका हुन् ।
नमस्ते किड्स नेपालले लमजुङमा बुवाआमा गुमाएका, बुवाआमामध्ये कुनै एकजना गुमाएका, साथमा नरहेका, असाहय, अति गरीब परिवारका ४४ जनालाई महिनै पिच्छे खाद्यान्न, स्टेशनरी, लत्तकपडा, सरसफाई सामग्रीलगायत सहयोग गर्दै आएको छ ।
No comments:
Post a Comment