अनुपमको म्युजिक भिडियो र युट्युब च्यानल सार्वजनिक

अनुपमको म्युजिक भिडियो र युट्युब च्यानल सार्वजनिक

पोखरा, कार्तिक २७ गते ।
अनुपम म्युजिक पोखराले शनिबार पोखरामा नयाँ म्युजिक भिडियो सार्वजनिक गरेको छ । गायिका लक्ष्मी गिरीको स्वर, नवराज बरालको सङ्गीत र अनुराग अधिकारीको रचना रहेको ‘तिमीले पनि मलाई भुल्न सक्छौ र ?’ बोलको गीतको भिडियो पूर्व सभासद् तथा उद्योगी सूर्यबहादुर केसीले विमोचन गर्नुभयो ।
अनुराग अधिकारीको निर्देशन रहेको भिडियोमा सुनील थापा, सिर्जना खाँण ठकुरी र अन्जना पोखरेलको अभिनय रहेको छ । कार्यव्रmममा प्रमुख अतिथि केसीले कला समाजको ऐना भएकाले यसबाट समाजका गतिविधि र अवस्था बुझ्न सकिने बताउनुभयो । गीत÷सङ्गीतबाट जीवन अलग रहन नसक्ने भन्दै उहाँले आफू उद्योग÷व्यवसायमा केन्द्रीत रहे पनि कला र सङ्गीतलाई चासोका साथ हेर्दै आएको बताउनुभयो ।
अनुपम म्युजिकका प्रबन्ध निर्देशक अनुराग अधिकारीको अध्यक्षतामा भएको कार्यव्रmममा तीर्थहरि स्मृति प्रतिष्ठानका अध्यक्ष वीरेन्द्र पालिखेले अनुपम म्युजिकको युट्युब च्यानलको शुभारम्भ गर्नुभयो । पालिखेले अनुपमले गर्ने सम्पूर्ण कार्यव्रmमलाई आफूले सकिन्जेल सहयोग गर्ने प्रतिबद्धता व्यक्त गर्नुभयो । प्रबन्ध निर्देशक अधिकारीले अनुपमले आफ्ना गतिविधिलाई अब आधुनिक प्रविधिसँग जोड्दै अघि बढ्ने र त्यसको एउटा खुड्किलोका रुपमा युट्युब च्यानल सुरु गरेको भनाइ राख्नुभयो ।
गायिका एवम् सञ्चारकर्मी शान्ति गुरुङले गायिका लक्ष्मी गिरीको परिचय दिनुभएको कार्यव्रmममा हिमाली सांस्कृतिक परिवारका अध्यक्ष मेनकाजी गुरुङ, त्रिवेणी सङ्गीतालयका प्रबन्ध निर्देशक नवराज बराल, गायक रामभक्त जोजिजूलगायतले बोल्नुभएको थियो । कार्यव्रmमको सञ्चालन सञ्चारकर्मी गोविन्द सिन्जालीले गर्नुभएको थियो ।