शुभकामना आदान प्रदानसँगै अनुपमको आय–व्यय सार्वजनिक
पोखरा, असोज १८ गते ।
अनुपम म्युजिक पोखराले दसैँ, तिहार, नेपाल संवत र छठको शुभकामना आदान प्रदानसँगै मङ्गलबार तेस्रो अनुपम साङ्गीतिक साँझको आय–व्यय सार्वजनिक गरेको छ ।
कार्यव्रmममा संस्थाले गत जेठ १५ गते सम्पन्न गरेको तेस्रो अनुपम साङ्गीतिक साँझको आय–व्यय अनुपम म्युजिकका प्रबन्ध निर्देशक अनुराग अधिकारीले सार्वजनिक गर्नुभयो । उहाँले २ लाख ४४ हजार ५ सय रुपैयाँ आम्दानी तथा २ लाख ८ हजार रुपैयाँ खर्च भएको र ३६ हजार ५ सय रुपैयाँ बचत भएको जानकारी दिनुभयो । बचत रकममध्ये ५० प्रतिशत अनुपम अक्षय कोषको वृद्धिका लागि प्रयोग गरिने र ५० प्रतिशत रकमबाट गरिब, जेहेनदार र असहाय बाल बालिकाका लागि सङ्गीत र उद्घोषण कलाको तालिम प्रदान गरिने उहाँले जनाउनुभयो ।
प्रमुख सल्लाहकार वीरेन्द्र पालिखेको अध्यक्षतामा भएको कार्यव्रmममा अनुपम म्युजिक र कास्की मल्टिमिडियाको ११३ आँै उद्घोषण, भाषण कला तथा समाचार लेखन तालिमका सहभागीहरुलाई प्रमाणपत्र वितरण गरिएको थियो । कार्यव्रmममा प्रशिक्षार्थीहरु इन्द्रबहादुर कार्की, विष्णुकुमारी 
अधिकारी, सीता बरुवाल, हीरा बरुवाल, पुष्पा पन्त र मोहन सापकोटाले तालिमले आफूहरुमा बोल्नका लागि आत्मबल बढाएको बताउनुभयो ।
अनुपम म्युजिकका सचिव रुपिन्द्र प्रभावीको सञ्चालनमा भएको कार्यव्रmममा प्रमुख अतिथि पत्रकार तथा साहित्यकार बद्रिविनोद प्रतीकले नेपालमा मनाइने हरेक चाडहरु सबै नेपालीहरुको साझा चाड भएको बताउनुभयो । जुनसुकै सम्प्रदायको पर्व भए पनि ती सारा नेपाली नै भएकाले दसैँ, तिहार, छठ वा नेपाल संवत हिन्दु वा अन्यको भनेर वर्गीकरण गर्न नहुने उहाँको भनाइ थियो । नेपाली साहित्य र सङ्गीतका क्षेत्रमा अनुपमले खेलेको भूमिकाको प्रतीकले प्रशंसा गर्नुभयो ।
कार्यव्रmममा सहित्यकार सुरज उपाध्याय, घारा–म्याग्दी पोखरा सम्पर्क समितिका सचिव गोकर्ण बरुवाल, पोखरा फिल्म सोसाइटीका अध्यक्ष घनश्याम लामिछाने, तराना म्युजिक सेन्टरका प्रबन्ध निर्देशक श्रीमान थुलुङ, त्रिवेणी सङ्गीतालयका प्रबन्ध निर्देशक नवराज बराल, जे. ई. म्युजिक एकेडेमीका प्रबन्ध निर्देशक रामभक्त जोजिजू, गायक पशुपति गुप्ता, बाल गृह सञ्जालकी केन्द्रीय उपाध्यक्ष तथा पोखरा उद्योग वाणिज्य सङ्घकी सदस्य गोमा ढकाल, पत्रकार रुद्र श्रीष मगर, अधिवक्ता वीरबल घतानेलगायतले शुभकामना दिनुभएको थियो ।
सो अवसरमा पोखरा उद्योग वाणिज्य सङ्घको सदस्यमा निर्वाचित हुनुभएकोमा गोमा ढकाललाई बधाईसहित सम्मान गरिएको थियो ।
No comments:
Post a Comment