अन्तरङ्ग संवाददाता
बेसीशहर– लमजुङमा कोभिड– १९ बाट एकै दिन ५० जना संक्रमित थपिएका छन् । जिल्ला प्रशासन कार्यालयले एक विज्ञप्ति जारी गरी बिहीबार त्यसको जानकारी दिएको हो । योसँगै जिल्लामा कुल सक्रमित संख्या ३६६ पुगेको छ । यसअघि जेठ ३ गतेको एकै दिन ७२ जना संक्रमण पुष्टि भएको थियो । जिल्लामा यति धेरै संक्रमित पुष्टि भएको यो दोस्रो पटक हो ।
आज संक्रमित भएका मध्ये सबैभन्दा कम उमेरका १९ वर्षका पुरुष छन् भने ८३ वर्षीया महिला छन् । उनीहरू क्रमशः मर्स्र्याङ्दी गाउँपालिका– ३ र राइनास नगरपालिका– ९ का बासिन्दा हुन् ।
आज पुष्टि भएका संक्रमितहरूमध्ये सबैभन्दा धेरै ३० जना जिल्ला सदरमुकाम रहेको बेसीशहर नगरपालिकाका छन् । संक्रमितमध्ये १३ जना महिला रहेका छन् । त्यसैगरी, मर्स्याङ्दी गाउँपालिकामा १२ जनामा कोरोना संक्रमण पुष्टि भएको छ । तीमध्ये महिला संख्या ४ जना रहेको छ । राइनास नगरपालिकामा ४ जना संक्रमितहरूमध्ये २ जना महिला छन् ।
त्यस्तै, मध्यनेपाल नगरपालिका र सुन्दरबजार नगरपालिकामा २/२ जना संक्रमित पुष्टि भएकोमा दुवै नगरपालिकाका एक एक जना महिला संक्रमित भएको जिल्ला प्रशासन कार्यालयबाट जारी विज्ञप्तिमा उल्लेख छ । उनीहरू क्रमशः वडानं– ७ की ४८ वर्षीया र वडानं– २ की ५३ वर्षीया महिला छन् । ती पालिकाका संक्रमित पुरुषको उमेर पनि क्रमशः वडानं– ६ का ३७ वर्षका पुरुष र वडानं– २ का ६० वर्षका पुरुष छन् ।
बेसीशहर नगरपालिकामा सबैभन्दा धेरै संक्रमित पुष्टि भएका वडामा– ७ र ८ रहेका छन् । ती वडामा ६/६ जना संक्रमित पुष्टि भएको छ । बेसीशहरको मुख्य बजार यिनै दुईवटा वडामा रहेको छ । उनीहंरू वडानं– ७ का ३८ र ५२ वर्षीया महिला, २३, २४, ५२ र ५६ वर्षका पुरुष छन् । त्यस्तै, वडानं– ८ का ३९ वर्षका एक पुरुष संक्रमित भएका छन् भने १७, २४, २७, ४२ र ५२ वर्षीया महिला संक्रमित छन् ।
यसैगरी, बेसीशहर नगरपालिका– १ का ५४१ र ५५ वर्षका पुरुष, वडानं– २ का ३८ र ७३ वर्षका पुरुष तथा २५ र२९ वर्षीया महिला छन् । वडानं– ४ का २० वर्षका पुरुष र २२ वर्षीया महिला, वडानं– ६ को २० वर्षीया दुई र २९ वर्षीया महिला छन् । यसैगरी, वडानं– ९ का ३३, ४० र ७४ वर्षका पुरुष, वडानं– १० का २८ र ४१ वर्षका पुरुष संक्रमित भएका छन् भने वडानं– ११ का ३५ र ४द्द वर्षका पुरुषमा संक्रमण पुष्टि भएको छ ।
राइनास नगरपालिका– ३ का ३६ वर्षका पुरुष तथा वडानं– ९ का ४४ वर्षका पुरुष र ६८ र ८३ वर्षीया महिलामा कोरोना संक्रमण भएको पुष्टि भएको हो । मस्र्याङ्दी गाउँपालिका– २ को ४५ वर्षीया महिला, वडानं– ३ का ३१, ३३ र ६० वर्षीया महिला छन् भने सोही वडाका १९? २२, २९, ३२, ५३, ५४, ५५ र ६३ वर्षीया महिला संक्रमित भएको पुष्टि हुन आएको जिल्ला प्रशासन कार्यालयका प्रशासकीय अधिकृत जगदिश मिश्रद्वारा हस्ताक्षर गरिएको विज्ञप्तिमा उल्लेख छ । मिश्रका अनुसार संक्रमितहरू सबै होमआइसोलेसनमा रहेका छन् र सबैको अवस्था सामान्य रहेको छ ।
No comments:
Post a Comment