अन्तरङ्ग संवाददाता
बनेपा(काभ्रे)– अन्तरङ्गका सम्पादक एवम् ठाडोभाका लोककला प्रतिष्ठान नेपाल लमजुङका अध्यक्ष नवराज पहाडी जनमत– जनक प्रधान सेवा सम्मान– २०७६ का लागि छनौट हुनुभएको छ । यहाँ स्थित जनमत वाङ्मय प्रतिष्ठानद्वारा चैत ९ गते सो घोषणा गरिएको हो ।
उक्त प्रतिष्ठानका अध्यक्ष मोहन दुवालले जारी गर्नु भएको विज्ञप्तिमार्फत सो जानकारी दिनुभएको हो । उहाँका अनुसार जनमत प्रकाशनको ३७औं वार्षिकोत्सवका अवसरमा २०७७ चैत्र २८ गते बनेपामा आयोजना हुने कार्यक्रममा यी सम्मानहरू प्रदान गरिने छ ।
उक्त विज्ञप्तिमा भनिएको छ– जनमत सम्मान २०७६ का दागि छनौट हुनुहुनेमा दीपा–जनमत सम्मान ठाकुर बेलवासे (अर्घाखाँची)लाई, गणेश÷खिलकुमारी दुवाल – जनमत सम्मान सुरेश किरण (काठमाडौं)लाई, हृदयचन्द्र–जनमत वरिष्ठ साधक सम्मान हरिराम जोशी (ललितपुर)लाई, जनमत–जनक प्रधान सेवा सम्मान – नवराज पहाडी लमजुङ)लाई प्रदान गरिनेछ ।
त्यसैगरी, केवलपुरे – जनमत सम्मान प्रा.डा. उषा ठाकुर (काठमाडौं) लाई, जनमत – महेन्द्रलाल कलाकार सम्मान सरोजा खड्गी (झापा)लाई, कमला सैंजू – जनमत सम्मान सुलोचना मानन्धर धिताल (काठमाडौं)लाई, जनमत – राजभाई सहयात्री सम्मान रीता पहारी (कास्की)लाई, भारती–जनमत साहित्यिक पत्रकारिता सम्मान – सावित्री श्रेष्ठ (काठमाडौं)लाई प्रदान गरिनेछ । जनमत–केदार÷सुदर्शना बालसाहित्य सम्मान – छायादत्त न्यौपाने बगर (पर्वत)लाई, जनमत–सिचिधर्म÷संस्कृति सम्मान – प्रा.डा. रमेशचन्द्र अधिकारी (धादिङ)लाई, जनमत–मित्र अनुवाद राष्ट्रिय सम्मान – डा. गोविन्दराज भट्टराई (ताप्लेजुङ)लाई तथा जनमत – दीपक वैद्य स्वास्थ्य सम्मान – डा. सुमनराज ताम्राकार (काभ्रे)लाई प्रदान गरिने भएको छ ।
हरेक वर्ष प्रदान गरिँदै आएका विभिन्न सम्मानहरू यसवर्ष विभिन्न साहित्यकारहरुलाई प्रदान गरिने भएको छ ।
यसैगरी, २०७५ सालको दीपा–जनमत सम्मान रविकिरण निर्जीव (चितवन)लाई, गणेश÷खिलकुमारी दुवाल– जनमत सम्मानराजा शाक्य(काठमाडौं)लाई, हृदयचन्द्र–जनमत वरिष्ठ साधक सम्मान शेषराज शिवाकोटी (दोलखा)लाई, जनमत–जनक प्रधान सेवा सम्मान– टङ्क उप्रेती (झापा)लाई प्रदान गरिनेछ । त्यसैगरी केवलपुरे – जनमत सम्मान भागिरथी श्रेष्ठ (गुल्मी) लाई, जनमत – महेन्द्रलाल कलाकार सम्मान ठाकुरप्रसाद मैनाली (काभ्रे)लाई, कमला सैंजू– जनमत सम्मान रीता ताम्राकार (सुनसरी)लाई, जनमत – राजभाई सहयात्री सम्मान सोमकाजी शाक्य(काभ्रे)लाई, भारती–जनमत साहित्यिक पत्रकारिता सम्मान – लक्ष्मी भट्टराई (काठमाडौं)लाई प्रदान गरिनेछ । जनमत–केदार÷सुदर्शना बालसाहित्य सम्मान – यशु श्रेष्ठ (रौतहट)लाई, जनमत–सिचिधर्म÷संस्कृति सम्मान – मुकुन्दप्रसाद उपाध्याय (सिन्धुली)लाई, जनमत–मित्र अनुवाद राष्ट्रिय सम्मान – रामबहादुर पहाडी (पाल्पा)लाई तथा जनमत–दीपक वैद्य स्वास्थ्य सम्मान – डा. राजेन्द्र कोँजू (काभ्रे)लाई प्रदान गरिने भएको विज्ञप्तिमा उल्लेख छ ।
दुवै सम्मान एकै समारोहमा वितरण गरिने जनमत वाङ्मय प्रतिष्ठानका अध्यक्ष दुवालले जानकारी दिनु भएको छ ।
No comments:
Post a Comment