रुपाज्योति माविको अध्यक्षमा देगेन्द्र गुरुङ

पोखरा । कास्कीको रूपा गाउँपालिका-६, तालबेसीस्थित रूपाज्योति माध्यमिक विद्यालय व्यवस्थापन समितिको अध्यक्षमा देगेन्द्र गुरुङ चयन भएका छन् ।

 

विद्यालयमा आयोजित अभिभावक भेलाबाट समितिका सदस्यहरूमा लोकबहादुर गुरुङ (विनोद), इन्दिरा अधिकारी, लक्ष्मी थापा, पूर्णबहादुर भुजेल, अम्बिका परियार चयन भएका छन् । यस्तै पदेन सदस्यमा वडा सदस्य सखुर्दिन मिया, शिक्षक प्रतिनिधि कृष्णराज सुवेदी र सदस्य सचिवमा प्रधानाध्यापक मनिराम कडेल रहेका छन् ।

 

भेलामा रूपा गाउँपालिकाका शिक्षा शाखा प्रमुख सन्दिप पौडेलले रूपाज्योतिले क्रमशः लिएको गति प्रशंसनीय रहेको बताए । रूपामा रूपाज्योतिले गौरव गर्ने मौका दिँदै आएको भन्दै उनले नयाँ व्यवस्थापन समितिले विद्यालयलाई थप उचाइमा पुर्‍याउने आशा व्यक्त गरे ।

 

सोही भेलाले विष्णु गुरुङको अध्यक्षतामा शिक्षक-अभिभावक सङ्घसमेत गठन गरेको छ । सङ्घका सदस्यहरूमा जयबहादुर थापा, तिलमाया गुरुङ, सोविता सुवेदी, प्रमिला सुवेदी, कृष्णमाया दाहाल, लक्ष्मी नेपाली रहेकी छिन् ।