अन्तरङ्गको वर्ष– २९, अंक– १३, मिति कार्तिक २७ गते, २०७७ मा प्रकाशित
काठमाडौं– नेपाली कला क्षेत्रका हस्ती चर्चित हास्यकलाकार मनोज गजुरेल कोरोना संक्रमणका कारण आईसियुमा उपचाररत छन् । मनोजको स्वास्थ्य अवस्था चिन्ताजनक रहेको समाचारहरूले यतिबेला शुभचिन्तक लगायतले उनको स्वास्थ्यलाभको कामना गरिरहेका छन् । उनका शुभचिन्तकहरू निकै निराश बनेको उनको अवस्था सुधारोन्मुख रहेको छ ।
मेरा दुई सन्तानको जन्मदाताको रुपमा आज पनि म तिमीलाई उत्तीकै सम्मान गर्छु र माया गर्छु । आज तिमी आईसियुमा उपचारारत छौ भन्ने समाचारले मलाई विक्षिप्त बनायो । जतिसुकै मनमुटाव भएको भएपनि तिमी सिकिस्त भएको म सहन नसक्ने नै रहेछु आज महसुस भईरहेछ । म तिम्रो सुस्वास्थ्यको लागि भगवानसंग प्रार्थना गर्दछु ।
उनै कलाकार गजुरेलकी पूर्वपत्नी मीना ढकालले सामाजिक सञ्जालमा मनछुने स्टाटस कार्तिक २१ गते लेखेकी छन् । ‘मैले बिसौँ तीजमा निराहार ब्रत बसेकी छु तिम्रो लागि, मनोज तिमी उठ, छोराछोरी तिम्रो बाटो कुरेर बसेका छन्’ तिमी आईसियुमा उपचारारत रहेको समाचारले आफूलाई विक्षिप्त बनाएको छ ।’ यस्तो छ ढकालको फेसबुक स्टाटसको पूर्ण विवरण–
‘जिन्दगीले जुनसुकै मोड अख्तियार गरेको भएपनि तिमी कुनै समयको मेरो प्रेमी थियौ । मेरो आफ्नै जन्मदातालाई भन्दा बढी प्रेम तिमीलाई गरेरै तिमीसंग एकाकार भएकी थिएँ । हामी एक भएका थियौँ र म परम्परा अनुसार तिम्रो सिंदुरको ऋणी भएकी थिएँ । तिम्रो सेवालाई मेरो परम धर्म ठानेर तिमीसंग मैले जीवनका वीसौँ बर्ष पार गरेकी छु । तिम्रो र मेरो आत्मियताका साक्षी दुई प्राण छोरा र छोरी जन्माएकी छु । केही अपवादलाई बाहिर राखेर र मेरा केही खुशीहरूको गला रेटेरै पनि मैले तिमीलाई मेरो सिंगो जिन्दगी अर्पण गरेकी थिएँ । भलै समयले तिम्रो र मेरो बीचमा दुरी ल्यायो होला फेरीपनि मेरा दुई सन्तानको जन्मदाताको रुपमा आज पनि म तिमीलाई उत्तीकै सम्मान गर्छु र माया गर्छु । आज तिमी आईसियुमा उपचारारत छौ भन्ने समाचारले मलाई विक्षिप्त बनायो । जतिसुकै मनमुटाव भएको भएपनि तिमी सिकिस्त भएको म सहन नसक्ने नै रहेछु आज महसुस भईरहेछ ।
म तिम्रो सुस्वास्थ्यको लागि भगवानसंग प्रार्थना गर्दछु । तिम्रो जीवनसंग मेरा दुई सन्तान पनि जोडिएका छन् । तिमी ठीक छौ र त उनीहरू ढुक्क छन, सुरक्षित छन । छुट्टै भएपनि टाढै भएपनि तिम्रो सलामतीले मात्रै मेरा सन्तान सलामत छन्, म यो रियलाईज गरिरहेछु ।
मेरो प्रार्थना सुन्छन भगवानले, तिमी छिटै अस्पतालबाट डिस्चार्ज हुनेछौ र बाबुनानीको सामिप्यतामा पुग्नेछौ भन्ने आशामा छु । मनोज गजुरेल, तिमी छिटै हार मान्ने मान्छे होइनौ– मैले बीसौँ तीजमा निराहार व्रत बसेकी छु तिम्रो लागि । आज पनि तिम्रो दीर्घायुको कामना गर्न छोडेकी छैन । छोराछोरी तिम्रो प्रतिक्षामा छन् ... । तिमी र म वीच जस्तासुकै व्यवहारिक बेमेल भएपनि तिम्रो जीवन मेरो लागि महत्वपूर्ण छ, हार नमानिदेउ । छिटै रिकभर भएर घर पुगेको देख्न पाउँ !’
– उही तिमीलाई आयुश्मान भएको देख्न चाहने तिम्री पूर्व अर्धा·ीनी !
No comments:
Post a Comment