गायक सुनील बर्देवाको निधन (भिडियाेसहित)

गाेरेटाे र गल्ली उस्तै रहे पनि गायक भने रहेनन्

२९ भदौ, काठमाडौं ।

गाेरेटाे अनि गल्ली उस्तै छन्-अाकास अनि धर्ती पनि उस्तै छन् तर अावाजका तरङ्गमा मन्त्रमुग्ध पार्ने स्वर भने अब उस्तै छैन । अर्थात् गाेरेटाे अनि उस्तै छ गल्ली बाेलकाे चर्चित गीतका गायक सुनील बर्देवा अब हाम्रा माझ रहेनन् । गायक तथा संगीतकार बर्देवाको मंगलबार बेलुकी निधन भएको छ ।

कलेजोको समस्याबाट पीडित उनको शिक्षण अस्पताल महाराजगञ्जमा उपचारका क्रममा निधन भएको गीतकार तथा सञ्चारकर्मी भूपेन्द्र खड्काले जानकारी दिए । उनका गोरेटो अनि उस्तै छ गल्ली, बिहानीमा अनि साँझमा, जब म लगायतका गीत निकै चर्चित छन् ।

पप गीतहरुमा संगीत संयोजन गर्ने उनी गीत समेत लेख्थे । बर्देवाका ‘जब म’, ‘मेरो गितार’, ‘बेस्ट अफ सुनील बर्देवा’लगायतका गीति एल्बम निस्किएका छन् । एक छोरा र एक छोरी रहेका उनको श्रीमतीको केही वर्षअघि नै निधन भइसकेको छ ।

बर्देवाको पार्थिव शरीरलाई श्रदाञ्जलीका लागि बुधबार बिहान नेपाल प्रज्ञा-प्रतिष्ठान कमलादीमा राखिएकाे जनाइएको छ । उनको बुधबार नै पशुपति आर्यघाटमा अन्त्येष्टि गरिने छ ।

भिडियाे हेर्न याे लिङ्क क्लिक गर्नुहाेला ।
 https://www.youtube.com/watch?v=jb3EX-JCUvg